चतुरो गणेशः। ............... अनन्त पढरीनाथ कुलकर्णी,पुणे ,महाराष्ट्रा।
कैलासशिखरे रम्ये पार्वत्या सह शंकरः         ।
वार्तालापं प्रकुरुते नानाख्यानमनोहरम्         ॥१॥
समीप एव तस्यासीत्‌ शुंडादंडविराजितः        ।
बाललीलारतः पुत्रो गणेशो गुणसुंदरः             ॥२॥
 
कण्ठेऽर्पयति शुण्डां स्वां पितुः सर्पैर्विभूषिते     ।
भूषणाभूषितं हस्तं पार्वत्याश्च गले तथा         ॥३॥
 
शंकरस्यांकमारुह्य सर्पभूषां प्रपश्यति             ।
परामृशति हस्तेन कौतुकान्मातृमंडनम्           ॥४॥
पार्वती  परमप्रीत्या पुत्रं पृच्छति प्रेमला            ।
प्रिया किं तेऽहमधिका तातो वा वत्स मे वद       ॥५॥
 
क्षणमात्रं विचिंत्येव जननीमुपसर्पति                ।
आरोहति तदुत्संगं गणेशतांश्च चुंबति               ॥६॥
 
स्नेहेन तिर्यगालोक्य शंकरं सस्मितं सुतः          ।
जनके मे परा प्रीतिः स्फुटं वदति मातरम्           ॥७॥
प्रत्युत्पन्नमतेः सूनोः श्रुत्वा चतुरमुत्तरम्           ।‌
जगतः पितरौ प्रेम्णा चुम्बतस्तं मुहुर्मुहुः             ॥८॥
Fri, 24 Aug 2012 08:48:50 UTC