नवदिल्ली - अद्य अशेषेsपि देशे महानवमी पर्व सोल्लासं आयोज्यते। प्रातः नूतनवस्त्राणि धृत्वा जनाः देवीमन्दिरेषु दर्शनाय आगतवन्तः संगीतार्चनां कृतवन्तः श्रुतवन्तः च। श्वः विजयदशमीदिने बालिकाबालकानां विद्यारंभाय विविधमन्दिरेषु कार्याणि सज्जीकृतानि। अस्मिन्नवसरे राष्ट्रपतिः श्री प्रणबमुखर्जी राष्ट्रवासिनोsभिनन्दितवान्। राष्ट्रपतिः स्वीये सन्देशे न्यगादीत् यत् पर्वेदं दुर्वृत्तस्योपरि सद्वृत्तस्य विजयप्रतीकत्वेन वर्तते।
