चालक्कुटी - इरिङ्गालक्कुटा विद्याभ्यासजिलल्लास्तरीयः अध्यापकदिनाघोषः चालक्कुटी बालिकोच्चतरविद्यालये सम्पन्नः। नियमसभासामाजिकः श्री बि.डि. देवस्सिमहाशयः उद्घाटनं कृतवान्। स्वीये उद्घाटनप्रभाषणे सः प्रत्येकं अवदत् यत् व्यक्तिरूपीकरणविषये श्रद्धाबद्धाः गुरवः छात्राणां पारिस्थितिक-सांस्कृतिकमूल्यबद्धतां परिपोषयितुमपि श्रद्धालवः भवन्तु इति। अनेन इदमपि प्रोक्तं यत् सङ्कुचितं विभागीयं च चिन्तां विहाय विशालविश्वबोधस्य निर्माणाय यत्नः करणीयः।
मुख्यप्रभाषणं कुर्वन् पुतुक्काट् प्रज्योतिनिकेतनकलाशालायाः प्रबन्धकः डो. हर्षजन् पषयाट्टिल् महोदयः स्वीयं अमेरिकीयं विद्यार्थिजीवनमनुस्मृतवान्। सम्मेलने जिल्लाविद्याभ्यासाथिकारिणा श्री जेकब् महाशयेन सर्वेभ्यो स्वागतं व्याहृतम्। चालक्कुटि नगरसभायां विद्याभ्यासकार्यदर्शी श्री पि.पि. पोल् महोदयः योगस्य अध्यक्षः आसीत्। योगमध्ये अध्यापकैः हृदयावर्जकाः कलाकार्यक्रमाः आयोजिताः।
