नवदिल्ली - अशेषेsपि देशे दीपावली सोत्साहेन विविधकार्यक्रमैः च समायोजिता। जनाः  मृण्मयैः दीपैः अन्यैः विद्युद्दीपैः च गृहाणि अलङ्कृतवन्तः। राष्ट्रपतिः श्रीमती प्रतिभादेविसिंहपाटीलः प्रकाशपर्वणः दीपावल्याः शुभकामनाः प्रकटितवती। स्वीये सन्देशे राष्ट्रपतिः अवदत् यत् प्रकाशपर्वेदं जनानां जीवनेभ्यः अन्धकारमपाकृत्य सुख-समृद्धि-प्रमोदजातं विवर्धयिष्यति।